Акафист Святой Праведной Блаженной Матроне Московской

Кондак 1
Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.
Икос 1
Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужеши людем и дела Божии явятся чрез тебе. Мы же с любовию вопием ти таковая:

Радуйся, от младенчества Богом избранная; Радуйся, благодатию Духа Святаго от пелен осененная.
Радуйся, даром чудес измлада обогащенная; Радуйся, премудростию от Бога свыше исполненная.
Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.
Радуйся, души заблуждшия к Богу приводящая; Радуйся, скорби и печали утоляющая.
Радуйся, праведная мати Матроно, теплая о нас к Богу молитвеннице.

Кондак 2
Видяще людие и иерей, егда крещаше тя, блаженная, чудный столп облачный над главою твоею и обонявше благоухание велие, дивляхуся, что убо сия отроковица будет, поюще Богу: Аллилуиа.
Икос 2
Разум имея просвещенный, иерей Божий Василий позна, яко крещаемая от него сосуд благодати Божия есть, и тя, праведная Матроно, отроковицу святу нарече. От нашего же усердия приносим ти похвалы сия:

Радуйся, во святей купели благодатию Святаго Духа облагауханная; Радуйся, на персех твоих крест запечатленный имевшая.
Радуйся, молитвеннице, от Бога людем дарованная; Радуйся, свеще неугасимая, пред Господем сияющая.
Радуйся, даром чудотворения от Бога прославленная на земли; Радуйся, венцем неувядаемым от Господа увенчанная на небеси.
Радуйся, милости Божия грешным возвещающая; Радуйся, от источника воды живыя жаждущия напаяющая.
Радуйся, праведная мати Матроно, теплая о нас к Богу молитвеннице.

Кондак 3
Силу Божия благодати ощущающи, еще во младенчестве сущи, Матроно блаженная, ко иконам святым устремлялася еси, и чистым сердцем и младенческими усты хвалу Богу возглашала еси: Аллилуиа.
Икос 3
Имущи от Бога дар прозрения издетска, блаженная мати, сокровенная сердец приходящих к тебе ведущи, и оным будущая, яко настоящая сказующи, многия люди на путь благочестия направляла еси. Темже прославляюще Бога, умудряющаго слепцы, вопием тебе сице:

Радуйся, дивная провидице; Радуйся, сокровенных грехов обличительнице.
Радуйся, помраченных душею пресветлая наставнице; Радуйся, заблуждших милостивая путеводительнице.
Радуйся, звездо, верным путь указующая; Радуйся, свеще, во тьме века сего светящая.
Радуйся, единому Богу послужившая; Радуйся, козни диавольския благодатию Духа Святаго поправшая.
Радуйся, праведная мати Матроно, теплая о нас к Богу молитвеннице.

Кондак 4
Буря недоумения и смятения о чудесех твоих в людех развеяся, мати блаженная, и тии, вразумившу их Господу, дивному во святых Своих, прославиша и восхвалиша тя, Богу же с благодарением воспеша: Аллилуиа.
Икос 4
Слышавше людие, мати Матроно, яко помощь в недузех душевных и телесных подаеши, прихождаху к тебе со упованием, и, совет благоприятен и исцеление получивше, благодаряще Бога, воспеваху тебе:

Радуйся, яко болезнующих и страждующих душею приемлеши; Радуйся, яко мир душам скорбящим даруеши.
Радуйся, в заблуждениих сущих вразумительнице; Радуйся, благочестия учительнице.
Радуйся, печалей наших утолительнице; Радуйся, в скорбех утешительнице.
Радуйся, благая безсребреице; Радуйся, недугов всячеких безмездная врачевательнице.
Радуйся, праведная мати Матроно, теплая о нас к Богу молитвеннице.

Кондак 5
Боготечная звезда возсияла еси, мати блаженная Матроно, во дни лихолетия во Отечествии нашем, яко новая исповедница, иго Христово дерзновенно и безбоязненно чрез все житие пронесла еси, и благодатиею Божиею укрепляема, подавала еси недоумевающим вразумление, страждующим ослабу, больным исцеление, благодарственно зовущим Богу: Аллилуиа.
Икос 5
Видяще мнози Российстии людие чудеса и исцеления, Божиею благодатиею от тебе подаваемая: хромым – хождение, разслабленным и на одре лежащим – исцеление, беснующимся – духов злобы отгнание, устремишася к тебе, мати, яко к источнику неисчерпаемому, от него же испивше обильно, умиленным сердцем возопиша тебе таковая:

Радуйся, на путь правый от младенчества призванная; Радуйся, праведнице, от Бога нам дарованная.
Радуйся, целительнице, недуги наша исцеляющая; Радуйся, в нуждах наших скоро помогающая.
Радуйся, душеполезными советы нас вразумляющая; Радуйся, недоумения наша скоро разрешающая.
Радуйся, духи нечистыя от человек отгоняющая; Радуйся, от всякого зла молитвою твоею ограждающая.
Радуйся, праведная мати Матроно, теплая о нас к Богу молитвеннице.

Кондак 6
Провозвестник святости и праведности жития твоего, блаженная мати, явися святый и праведный отец Иоанн Кронштадтский, егда узре тя во храме и наименова тя свою преемницу таже и осмый столп России. Вси же, слышавше сие, прославиша Господа, возглашающе Ему песнь: Аллилуиа.
Икос 6
Возсия молитвами твоими, мати Матроно, свет благодати Божия в сердцах, не ведущих Бога и грехми многими прогневляющих Его. Тии же, видяще чудеса, тобою совершаемая, обращахуся ко Господу, ублажающе тя сице:

Радуйся, подвиги твоими Бога прославляющая; Радуйся, славу Божию нам являющая.
Радуйся, неверныя на путь правый наставляющая; Радуйся, грехми оскверненныя молитвами твоими очищающая.
Радуйся, к покаянию нас призывающая; Радуйся, за вся благодарити Господа нас вразумляющая.
Радуйся, храм Божий любити нас научающая; Радуйся, во ограду церковную расточенныя овцы собирающая.
Радуйся, праведная мати Матроно, теплая о нас к Богу молитвеннице.

Кондак 7
Хотящи Пресвятую Владычицу нашу Богородицу достойно ублажити, мати Матроно, повелела еси людем написати всечестный образ Ея, «Взыскание погибших» именуемый и в храме Божием веси твоея водворити, да вси взирающе на светлый лик Пречистыя, со умилением восхвалят Ю, Господу же возопиют: Аллилуиа.
Икос 7
Новую тя заступницу, молитвенницу и ходатаицу к Богу дарова Господь в годину тяжкую людем Российским, мнози бо отпадаху от Святыя Церкве, ты же, мати, маловерныя и заблуждшия наставляла еси словом и делом, являющи дивная чудеса Божия. Темже воспеваем ти сице:

Радуйся, страны нашея Российския неусыпная печальнице; Радуйся, спасения нашего ходатаице.
Радуйся, Бога, Судии праведнаго, умилостивительнице; Радуйся, недужных и обидимых покровительнице.
Радуйся, немощных и безнадежных помощнице; Радуйся, противу духов злобы непрестанная воительнице.
Радуйся, яко трепещут тя князи бесовстии; Радуйся, яко радуются о тебе ангелы и человецы.
Радуйся, праведная мати Матроно, теплая о нас к Богу молитвеннице.

Кондак 8

Странно маловерным и неразумным бысть, како слепорожденная видети и ведети может не точию настоящая, но и будущая, не ведяху бо силы Божия, в немощи человечестей совершаемыя. Мы же, блаженная мати, премудрость Божию, в тебе явленную зряще, вопием Богу: Аллилуиа.

Икос 8
Всяческия досаждения и обиды, изгнания и укорения претерпела еси, блаженная мати, не сетующи о сем, но за вся благодарящи Бога. Сим же и нас научаеши терпеливно нести крест свой, тебе же благохвалити тако:

Радуйся, в молитве непрестанно пребывавшая; Радуйся, духов злобы постом и молитвою отгнавшая.
Радуйся, мир благодатный стяжавшая; Радуйся, любовию твоею многия окрест тебе спасавшая.
Радуйся, житием твоим изрядно людем послужившая; Радуйся, и по кончине твоей людем непрестанно помогающая.
Радуйся, и ныне нашим прошением тепле внимающая; Радуйся, уповающих на помощь твою не оставляющая.
Радуйся, праведная мати Матроно, теплая о нас к Богу молитвеннице.

Кондак 9
Всякия скорби и болезни аще и претерпела еси, мати Матроно, непрестанно ведущи брань с силами тьмы, обличающи козни и коварства их, и изгоняющи бесы от одержимых, обаче до кончины дний твоих помогала еси страждующим, недугующим и скорбящим, присно поющи Богу: Аллилуиа.
Икос 9
Ветии многовещаннии не возмогут достойно прославити святое житие твое и чудеса, силою Божиею тобою творимая, предивная старице. Мы же, хотяще псаломски хвалити Бога во святых Его и подвизаемии сердечною любовию, дерзаем пети тебе таковая:

Радуйся, узкий путь и тесная врата избравшая; Радуйся, добродетельми многими просиявшая.
Радуйся, вся тленная в житии твоем отвергшая; Радуйся, смирением, яко венцем драгим, украшенная.
Радуйся, евангельски, яко птица небесная, на земли пожившая; Радуйся, Сыну Божию, не имевшему, где главу подклонити, последовавшая.
Радуйся, ныне во обителех райских веселящаяся; Радуйся, и нас, грешных, молящихся тебе, милостию твоею не оставляющая.
Радуйся, праведная мати Матроно, теплая о нас к Богу молитвеннице.

Кондак 10
Спасти хотящи многия люди от страданий телесных и душевных недуг, всенощно пребывала еси, праведнице Божия, в молитве, просящи им помощи и укрепления от Господа нашего Иисуса Христа, поющи Ему: Аллилуиа.
Икос 10
Стена и покров была еси во дни жития твоего, блаженная мати, всем к тебе прибегающим, и по смерти не престаеши ходатайствовати пред Богом о людех, с верою притекающих ко гробу твоему. Темже убо, услыши ныне и нас, грешных, скорбьми, болезньми и многими печальми одержимых и потщися на помощь твоими молитвами, всем, к тебе вопиющим:

Радуйся, обидимых скорая предстательнице; Радуйся, терпящих лишения утешительнице.
Радуйся, честнаго супружества охранение; Радуйся, всех, во вражде сущих, умирение.
Радуйся, неправо на суд влекомых защитительнице; Радуйся, и о виновных пред судом земным к Богу милостивая ходатаице.
Радуйся, лишившихся крова пристанище; Радуйся, о всех к тебе взывающих, заступнице.
Радуйся, праведная мати Матроно, теплая о нас к Богу молитвеннице.

Кондак 11
Пение ангельское слышала еси, мати честная Матроно, еще на земли живущи. Научи и нас, недостойных, како подобает славити Бога, в Троице почитаемаго, Отца и Сына и Святаго Духа, Ему же непрестанно воинства небесная велегласно воспевают: Аллилуиа.
Икос 11
Светозарным светом сияет житие твое, блаженная Матроно, освещая мрак многосуетнаго мира сего, и влечет к себе души наша: яко да и мы лучею благодати Божия озаримся и скорбный путь привременныя жизни богоугодно пройдем и Царствия Божия достигнем, идеже ты, мати, ныне вселилася еси, слышащи глас наш, тебе зовущих:

Радуйся, свеще Божия, присно горящая; Радуйся, бисере честный, блистанием святыни твоея нас озаряющий.
Радуйся, цвете благовонный, Духом Святым нас облагоухающий; Радуйся, каменю веры, малодушныя в благочестии утверждающий.
Радуйся, звездо пресветлая, правый путь нам указующая; Радуйся, добрая воительнице Христова, мечем молитвы демонския полки устрашающая.
Радуйся, яко все житие твое свято и непорочно; Радуйся, яко и смерть твоя пред Господем честна.
Радуйся, праведная мати Матроно, теплая о нас к Богу молитвеннице.

Кондак 12
Благодать Божию обильно еще от пелен восприяла еси, мати блаженная, яже выну пребысть с тобою по вся дни жизни. Веруем несумненно, яко и по успении твоем благодать сия пребогатно пребывает с тобою. Сего ради припадающе молимся: не лиши и нас, еще странствующих на земли, помощи твоея и заступления, просящи Господа помиловати всех, поющих Ему: Аллилуиа.
Икос 12
Поюще многая и дивная твоя чудеса, мати Матроно, восхваляем Бога, даровавшаго граду Москве и Отечеству нашему во дни безбожия и гонения тя, непоколебимый столп благочестия и веры. Ныне же, блаженная мати, благодарным сердцем воспеваем тебе сице:

Радуйся, мир Христов в душе твоей стяжавшая; Радуйся, сего ради многая люди окрест тебе к Богу приведшая.
Радуйся, в немощном теле сущи, силу Божия благодати показавшая; Радуйся, во обретении честных мощей твоих Божию милость нам явившая.
Радуйся, сонма святых Московских изрядное процветение; Радуйся, града Москвы преславное украшение.
Радуйся, Отечества нашего присная пред Богом печальнице. Радуйся, к покаянию и молитве о земли Российстей всех призывающая.
Радуйся, праведная мати Матроно, теплая о нас к Богу молитвеннице.

Кондак 13
О блаженная мати, услыши ныне воспеваемое тебе хвалебное пение и испроси нам у Господа Иисуса Христа грехов оставление, христианския мирныя кончины и добраго ответа на страшном судищи Его, да и мы с тобою сподобимся в селениих райских славити Святую Троицу, вопиюще: Аллилуиа.

(Сей кондак читается трижды, затем икос 1-й и кондак 1-й)

Икос 1
Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужеши людем и дела Божии явятся чрез тебе. Мы же с любовию вопием ти таковая:

Радуйся, от младенчества Богом избранная; Радуйся, благодатию Духа Святаго от пелен осененная.
Радуйся, даром чудес измлада обогащенная; Радуйся, премудростию от Бога свыше исполненная.
Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.
Радуйся, души заблуждшия к Богу приводящая; Радуйся, скорби и печали утоляющая.
Радуйся, праведная мати Матроно, теплая о нас к Богу молитвеннице.

Кондак 1
Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.

Сообщения

Святая Матушка Матронушка! низко кланяюсь тебе,и молю тебя о чуде: пусть сын мой раб Божий Григорий учится в университете,вовремя сдает все задания,зачеты,экзамены,сессии, переходит с курса на курс,закончит университет вовремя,и за все время учебы пусть будет успешен,прилежен,всеми любим,пусть учеба дается легко. пусть будут счастливы все люди, которые могут ему помочь и помогают остаться в университете и учится дальше. Милая Матронушка, ты всегда помогаешь нам, помолись, заступись за нас грешных перед Господом нашим. Благодарю Матушка Матронушка. Во имя Отца, и Сына, и Святого Духа. Аминь.

Святая Матушка Матронушка! Спасибо тебе, что мне помогаешь! Моли Бога о рабе Божим Павле, чтобы хорошо прошла операция и восстановление после операции прошло легко. Во имя Отца, Сына и Святого Духа. Аминь.

Матронушка, милая, помоги мне. Помолись Богу обо мне, рабе Божией Наталии, попроси простить мне грехи мои. Святая матушка Матронушка, помоги преодолеть испытания, помоги стать навсегда вместе с рабом Божием Сергием. Помоги нам укрепить наши чувства, да бы предстать перед Господом Богом с клятвою быть вместе в горе и в радости. Помоги нам, Матронушка, моли Бога о нас. Помоги мне нам любить друг друга самой искренней любовью. Избави от всех осуждений близких нам людей, сохрани уважение и понимание друг к другу. Дорогая Мати Матроно, пусть Сергий поймёт меня, пусть простит, пусть терпеливо переживёт со мной все препятствия. Милая Матронушка, если не угодно Господу Богу моё прошение, наставь на путь истинный. Избавь его от зла, от ненависти ко мне, дай сохранить теплоту отношения друг к другу. Моли и здравии детей моих,родителей, моих близких и любимых людей!

Святая матушка Матронушка, помоги мне исправить финансовую ситуацию в моей семье, помоги мне заработать денег чтоб хватило заплатить по кредитам.

Святая матушка Матронушка, помоги мне исправить финансовую ситуацию в моей семье, помоги мне заработать денег чтоб хватило заплатить по кредитам.

Милая матушка Матронушка!Моли Бога о нас,грешных!Помоги,пожайлуста,мне,рабе Божией Ольге,получить визу во Францию,я должна присутствовать на своем судебном заседании 2 ноября 2016 года и если будут еще судебные заседания по моему бракоразводному процессу,то и на них мне нужно быть тоже.Я пострадала от моего бывшего мужа,француза,Сильвана и долго ждала суда по поводу развода.Я приехала в Россию потому,что закончилось действие моей визы,которую мне выдали на год,получить еще не вид на жительство на год я не смогла,потому,что пришла в Су-Префектуру города Гавр без мужа,к тому времени я уже ждала развода с ним и так же не было у меня сертификата о том,где я живу.Я не хотела нарушать закон и по окончании срока действия моей визы жены,приехала в Россию.Теперь мне нужна новая виза,помоги,милая Матронушка,мне ее получить,я уже написала электронное письмо с описанием моей ситуации в Консульство Франции в Москве.А также,молю тебя,наша заступница,помоги мне выйти замуж за Жозе,он хороший человек много мне помогал,помоги,наша заступница,обрести мне счастье в личной жизни.Еще прошу твоих молитв за раба Божия,моего внука Романа,помоги ему преодолеть трудности и вырасти хорошим человеком и об укреплении взаимопонимания и любви между мною,рабой Божией Ольгой и рабой Божией Александрой,моей дочерью.Во имя Отца и Сына и Святого Духа.Низко тебе кланяюсь,милая наша Матронушка

Святая Матронушка помоги мне отойти от космоэнергетики, чтобы не ходить туда, не звонили мне оттуда, чтобы забыть раз и навсегда об этом. Если космоэнергетикой заниматься это плохо помоги мне забыть о ней. Подскажи что правильно,а что нет. Спасибо тебе Святая Матронушка. Во Имя Отца и Сына и Святого Духа. Аминь.

Святая Матронушка спасибо тебе за все, за твоё понимание и поддержку. Прошу тебя Матронушка помоги нашей семье жить в мире, согласии, доверии,любви и взаимопонимании. Чтобы всегда в нашей семье были тёплые отношения. Помоги Алексею научиться мне доверять и понять что я его не придам никогда и очень сильно люблю. Матронушка я очень хочу чтобы в нашей семье с Алексеем все было хорошо, чтобы он позволил дочке называть его папой. Матронушка помоги доченьке в учёбе,пусть растёт умненькой и здоровой. Спасибо тебе Святая Матрона. Во Имя Отца и Сына и Святого Духа. Аминь

Святая Матушка Матронушка спасибо тебе за помощь твою! Низко кланяюсь тебе! Прошу и молю, помоги мне докозать свою невиновность в суде. Поддержи в трудную минуту. Прошу не только за себя но и за семью мою. Ведь они тоже пострадают хоть и не заслужили этого. Я не самый хороший человек в мире. Я понемаю что возможно это моё наказание за мои грехи. Но прошу тебя помолись за меня и мою семью. Помоги мне докозать свою невиновность и выиграть суд. Во имя Отца и Сына и Святого Духа. Аминь

Святая Матушка Матронушка, спасибо Тебе за помощь! Я знаю, что ты видишь и слышишь меня. Помоги мне получить работу в той фирме, где у меня было в этот четверг собеседование, и чтобы у меня там все получалось. Я буду очень стараться, прошу тебя. Прошу, попроси Господа Бога простить мои согрешения и грешные мысли. Я благодарна за все, что у меня есть. Не покидай меня, наставляй на путь истинный. Во имя Отца и Сына и Святого Духа. Аминь.

Страницы

Яндекс.Метрика