Акафист Святой Праведной Блаженной Матроне Московской

Кондак 1
Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.
Икос 1
Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужеши людем и дела Божии явятся чрез тебе. Мы же с любовию вопием ти таковая:

Радуйся, от младенчества Богом избранная; Радуйся, благодатию Духа Святаго от пелен осененная.
Радуйся, даром чудес измлада обогащенная; Радуйся, премудростию от Бога свыше исполненная.
Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.
Радуйся, души заблуждшия к Богу приводящая; Радуйся, скорби и печали утоляющая.
Радуйся, праведная мати Матроно, теплая о нас к Богу молитвеннице.

Кондак 2
Видяще людие и иерей, егда крещаше тя, блаженная, чудный столп облачный над главою твоею и обонявше благоухание велие, дивляхуся, что убо сия отроковица будет, поюще Богу: Аллилуиа.
Икос 2
Разум имея просвещенный, иерей Божий Василий позна, яко крещаемая от него сосуд благодати Божия есть, и тя, праведная Матроно, отроковицу святу нарече. От нашего же усердия приносим ти похвалы сия:

Радуйся, во святей купели благодатию Святаго Духа облагауханная; Радуйся, на персех твоих крест запечатленный имевшая.
Радуйся, молитвеннице, от Бога людем дарованная; Радуйся, свеще неугасимая, пред Господем сияющая.
Радуйся, даром чудотворения от Бога прославленная на земли; Радуйся, венцем неувядаемым от Господа увенчанная на небеси.
Радуйся, милости Божия грешным возвещающая; Радуйся, от источника воды живыя жаждущия напаяющая.
Радуйся, праведная мати Матроно, теплая о нас к Богу молитвеннице.

Кондак 3
Силу Божия благодати ощущающи, еще во младенчестве сущи, Матроно блаженная, ко иконам святым устремлялася еси, и чистым сердцем и младенческими усты хвалу Богу возглашала еси: Аллилуиа.
Икос 3
Имущи от Бога дар прозрения издетска, блаженная мати, сокровенная сердец приходящих к тебе ведущи, и оным будущая, яко настоящая сказующи, многия люди на путь благочестия направляла еси. Темже прославляюще Бога, умудряющаго слепцы, вопием тебе сице:

Радуйся, дивная провидице; Радуйся, сокровенных грехов обличительнице.
Радуйся, помраченных душею пресветлая наставнице; Радуйся, заблуждших милостивая путеводительнице.
Радуйся, звездо, верным путь указующая; Радуйся, свеще, во тьме века сего светящая.
Радуйся, единому Богу послужившая; Радуйся, козни диавольския благодатию Духа Святаго поправшая.
Радуйся, праведная мати Матроно, теплая о нас к Богу молитвеннице.

Кондак 4
Буря недоумения и смятения о чудесех твоих в людех развеяся, мати блаженная, и тии, вразумившу их Господу, дивному во святых Своих, прославиша и восхвалиша тя, Богу же с благодарением воспеша: Аллилуиа.
Икос 4
Слышавше людие, мати Матроно, яко помощь в недузех душевных и телесных подаеши, прихождаху к тебе со упованием, и, совет благоприятен и исцеление получивше, благодаряще Бога, воспеваху тебе:

Радуйся, яко болезнующих и страждующих душею приемлеши; Радуйся, яко мир душам скорбящим даруеши.
Радуйся, в заблуждениих сущих вразумительнице; Радуйся, благочестия учительнице.
Радуйся, печалей наших утолительнице; Радуйся, в скорбех утешительнице.
Радуйся, благая безсребреице; Радуйся, недугов всячеких безмездная врачевательнице.
Радуйся, праведная мати Матроно, теплая о нас к Богу молитвеннице.

Кондак 5
Боготечная звезда возсияла еси, мати блаженная Матроно, во дни лихолетия во Отечествии нашем, яко новая исповедница, иго Христово дерзновенно и безбоязненно чрез все житие пронесла еси, и благодатиею Божиею укрепляема, подавала еси недоумевающим вразумление, страждующим ослабу, больным исцеление, благодарственно зовущим Богу: Аллилуиа.
Икос 5
Видяще мнози Российстии людие чудеса и исцеления, Божиею благодатиею от тебе подаваемая: хромым – хождение, разслабленным и на одре лежащим – исцеление, беснующимся – духов злобы отгнание, устремишася к тебе, мати, яко к источнику неисчерпаемому, от него же испивше обильно, умиленным сердцем возопиша тебе таковая:

Радуйся, на путь правый от младенчества призванная; Радуйся, праведнице, от Бога нам дарованная.
Радуйся, целительнице, недуги наша исцеляющая; Радуйся, в нуждах наших скоро помогающая.
Радуйся, душеполезными советы нас вразумляющая; Радуйся, недоумения наша скоро разрешающая.
Радуйся, духи нечистыя от человек отгоняющая; Радуйся, от всякого зла молитвою твоею ограждающая.
Радуйся, праведная мати Матроно, теплая о нас к Богу молитвеннице.

Кондак 6
Провозвестник святости и праведности жития твоего, блаженная мати, явися святый и праведный отец Иоанн Кронштадтский, егда узре тя во храме и наименова тя свою преемницу таже и осмый столп России. Вси же, слышавше сие, прославиша Господа, возглашающе Ему песнь: Аллилуиа.
Икос 6
Возсия молитвами твоими, мати Матроно, свет благодати Божия в сердцах, не ведущих Бога и грехми многими прогневляющих Его. Тии же, видяще чудеса, тобою совершаемая, обращахуся ко Господу, ублажающе тя сице:

Радуйся, подвиги твоими Бога прославляющая; Радуйся, славу Божию нам являющая.
Радуйся, неверныя на путь правый наставляющая; Радуйся, грехми оскверненныя молитвами твоими очищающая.
Радуйся, к покаянию нас призывающая; Радуйся, за вся благодарити Господа нас вразумляющая.
Радуйся, храм Божий любити нас научающая; Радуйся, во ограду церковную расточенныя овцы собирающая.
Радуйся, праведная мати Матроно, теплая о нас к Богу молитвеннице.

Кондак 7
Хотящи Пресвятую Владычицу нашу Богородицу достойно ублажити, мати Матроно, повелела еси людем написати всечестный образ Ея, «Взыскание погибших» именуемый и в храме Божием веси твоея водворити, да вси взирающе на светлый лик Пречистыя, со умилением восхвалят Ю, Господу же возопиют: Аллилуиа.
Икос 7
Новую тя заступницу, молитвенницу и ходатаицу к Богу дарова Господь в годину тяжкую людем Российским, мнози бо отпадаху от Святыя Церкве, ты же, мати, маловерныя и заблуждшия наставляла еси словом и делом, являющи дивная чудеса Божия. Темже воспеваем ти сице:

Радуйся, страны нашея Российския неусыпная печальнице; Радуйся, спасения нашего ходатаице.
Радуйся, Бога, Судии праведнаго, умилостивительнице; Радуйся, недужных и обидимых покровительнице.
Радуйся, немощных и безнадежных помощнице; Радуйся, противу духов злобы непрестанная воительнице.
Радуйся, яко трепещут тя князи бесовстии; Радуйся, яко радуются о тебе ангелы и человецы.
Радуйся, праведная мати Матроно, теплая о нас к Богу молитвеннице.

Кондак 8

Странно маловерным и неразумным бысть, како слепорожденная видети и ведети может не точию настоящая, но и будущая, не ведяху бо силы Божия, в немощи человечестей совершаемыя. Мы же, блаженная мати, премудрость Божию, в тебе явленную зряще, вопием Богу: Аллилуиа.

Икос 8
Всяческия досаждения и обиды, изгнания и укорения претерпела еси, блаженная мати, не сетующи о сем, но за вся благодарящи Бога. Сим же и нас научаеши терпеливно нести крест свой, тебе же благохвалити тако:

Радуйся, в молитве непрестанно пребывавшая; Радуйся, духов злобы постом и молитвою отгнавшая.
Радуйся, мир благодатный стяжавшая; Радуйся, любовию твоею многия окрест тебе спасавшая.
Радуйся, житием твоим изрядно людем послужившая; Радуйся, и по кончине твоей людем непрестанно помогающая.
Радуйся, и ныне нашим прошением тепле внимающая; Радуйся, уповающих на помощь твою не оставляющая.
Радуйся, праведная мати Матроно, теплая о нас к Богу молитвеннице.

Кондак 9
Всякия скорби и болезни аще и претерпела еси, мати Матроно, непрестанно ведущи брань с силами тьмы, обличающи козни и коварства их, и изгоняющи бесы от одержимых, обаче до кончины дний твоих помогала еси страждующим, недугующим и скорбящим, присно поющи Богу: Аллилуиа.
Икос 9
Ветии многовещаннии не возмогут достойно прославити святое житие твое и чудеса, силою Божиею тобою творимая, предивная старице. Мы же, хотяще псаломски хвалити Бога во святых Его и подвизаемии сердечною любовию, дерзаем пети тебе таковая:

Радуйся, узкий путь и тесная врата избравшая; Радуйся, добродетельми многими просиявшая.
Радуйся, вся тленная в житии твоем отвергшая; Радуйся, смирением, яко венцем драгим, украшенная.
Радуйся, евангельски, яко птица небесная, на земли пожившая; Радуйся, Сыну Божию, не имевшему, где главу подклонити, последовавшая.
Радуйся, ныне во обителех райских веселящаяся; Радуйся, и нас, грешных, молящихся тебе, милостию твоею не оставляющая.
Радуйся, праведная мати Матроно, теплая о нас к Богу молитвеннице.

Кондак 10
Спасти хотящи многия люди от страданий телесных и душевных недуг, всенощно пребывала еси, праведнице Божия, в молитве, просящи им помощи и укрепления от Господа нашего Иисуса Христа, поющи Ему: Аллилуиа.
Икос 10
Стена и покров была еси во дни жития твоего, блаженная мати, всем к тебе прибегающим, и по смерти не престаеши ходатайствовати пред Богом о людех, с верою притекающих ко гробу твоему. Темже убо, услыши ныне и нас, грешных, скорбьми, болезньми и многими печальми одержимых и потщися на помощь твоими молитвами, всем, к тебе вопиющим:

Радуйся, обидимых скорая предстательнице; Радуйся, терпящих лишения утешительнице.
Радуйся, честнаго супружества охранение; Радуйся, всех, во вражде сущих, умирение.
Радуйся, неправо на суд влекомых защитительнице; Радуйся, и о виновных пред судом земным к Богу милостивая ходатаице.
Радуйся, лишившихся крова пристанище; Радуйся, о всех к тебе взывающих, заступнице.
Радуйся, праведная мати Матроно, теплая о нас к Богу молитвеннице.

Кондак 11
Пение ангельское слышала еси, мати честная Матроно, еще на земли живущи. Научи и нас, недостойных, како подобает славити Бога, в Троице почитаемаго, Отца и Сына и Святаго Духа, Ему же непрестанно воинства небесная велегласно воспевают: Аллилуиа.
Икос 11
Светозарным светом сияет житие твое, блаженная Матроно, освещая мрак многосуетнаго мира сего, и влечет к себе души наша: яко да и мы лучею благодати Божия озаримся и скорбный путь привременныя жизни богоугодно пройдем и Царствия Божия достигнем, идеже ты, мати, ныне вселилася еси, слышащи глас наш, тебе зовущих:

Радуйся, свеще Божия, присно горящая; Радуйся, бисере честный, блистанием святыни твоея нас озаряющий.
Радуйся, цвете благовонный, Духом Святым нас облагоухающий; Радуйся, каменю веры, малодушныя в благочестии утверждающий.
Радуйся, звездо пресветлая, правый путь нам указующая; Радуйся, добрая воительнице Христова, мечем молитвы демонския полки устрашающая.
Радуйся, яко все житие твое свято и непорочно; Радуйся, яко и смерть твоя пред Господем честна.
Радуйся, праведная мати Матроно, теплая о нас к Богу молитвеннице.

Кондак 12
Благодать Божию обильно еще от пелен восприяла еси, мати блаженная, яже выну пребысть с тобою по вся дни жизни. Веруем несумненно, яко и по успении твоем благодать сия пребогатно пребывает с тобою. Сего ради припадающе молимся: не лиши и нас, еще странствующих на земли, помощи твоея и заступления, просящи Господа помиловати всех, поющих Ему: Аллилуиа.
Икос 12
Поюще многая и дивная твоя чудеса, мати Матроно, восхваляем Бога, даровавшаго граду Москве и Отечеству нашему во дни безбожия и гонения тя, непоколебимый столп благочестия и веры. Ныне же, блаженная мати, благодарным сердцем воспеваем тебе сице:

Радуйся, мир Христов в душе твоей стяжавшая; Радуйся, сего ради многая люди окрест тебе к Богу приведшая.
Радуйся, в немощном теле сущи, силу Божия благодати показавшая; Радуйся, во обретении честных мощей твоих Божию милость нам явившая.
Радуйся, сонма святых Московских изрядное процветение; Радуйся, града Москвы преславное украшение.
Радуйся, Отечества нашего присная пред Богом печальнице. Радуйся, к покаянию и молитве о земли Российстей всех призывающая.
Радуйся, праведная мати Матроно, теплая о нас к Богу молитвеннице.

Кондак 13
О блаженная мати, услыши ныне воспеваемое тебе хвалебное пение и испроси нам у Господа Иисуса Христа грехов оставление, христианския мирныя кончины и добраго ответа на страшном судищи Его, да и мы с тобою сподобимся в селениих райских славити Святую Троицу, вопиюще: Аллилуиа.

(Сей кондак читается трижды, затем икос 1-й и кондак 1-й)

Икос 1
Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужеши людем и дела Божии явятся чрез тебе. Мы же с любовию вопием ти таковая:

Радуйся, от младенчества Богом избранная; Радуйся, благодатию Духа Святаго от пелен осененная.
Радуйся, даром чудес измлада обогащенная; Радуйся, премудростию от Бога свыше исполненная.
Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.
Радуйся, души заблуждшия к Богу приводящая; Радуйся, скорби и печали утоляющая.
Радуйся, праведная мати Матроно, теплая о нас к Богу молитвеннице.

Кондак 1
Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.

Сообщения

Пресвятая Блаженная Мати Матрона -обращаюсь с просьбой помочь моему сыну р.б Никите сдать хорошо ГИА по рускому языку 06.06.14г Направь всю свою силу и благодать ему ....Храни и сберегай для него правильные мысли и знания .Благодарю Наша Пресвятая Мати Матрона!Люблю тебя !

"Святая праведная Матрона,моли Бога о нас" Милая,добрая,матушка ,ты всегда со мной в горестях и радостях.Не оставь меня и на этот раз,проси Бога нашего Иисуса Христа за меня рабу Любовь и сына моего Михаила!Не оставь нас с бедой нашей,помолись,попроси Всевышнего за нас,чтоб не осталась я без работы,а сын мой без средств к существованию...Во имя Отца и Сына и Святого Духа. Аминь!

Матушка Матрона! Моли Бога о нас! Здоровья всем моим близким, детям, счастья семейного! Помоги мне обрести любимого человека, взаимную любовь, найти свою половинку!

"СВЯТАЯ ПРАВЕДНАЯ СТАРИЦЕ МАТРОНА, МОЛИ БОГА О НАС!" Матушка, Матронушка, молю тебя помоги моему мужу Олегу решить благополучно все его дела.Помоги мне миленькая встать на путь правельный, и семье нашей преодолевать трудности которые возникают. Прошу тебя о здоровье близких, родных и друзей наших.Помоги подружке моей Танюшке в лечении ее. Дочери Илонке благорозумия и счастья, удачно сдать тестирование. И еще прошу помоги народу на Украине обрести мир. Прошу тебя молю не оставляй меня грешную заступнице наша.Еще прошу не оставляй детей моих проси у Господа нашего Иисуса Христа Божьего благословения и заступничества.Во имя Отца и Сына, и Святага Духа. Аминь.

"СВЯТАЯ ПРАВЕДНАЯ СТАРИЦЕ МАТРОНА, МОЛИ БОГА О НАС!"Я молю, помоги вернуть мужа и отца в семью, с другой женщиной он теряет себя, много пьет, она всячески делает преграды в общении с нами, сыном, которого он 12 лет воспитывал, забыл, не интегрируется им, Матронушка, всем сердцем молю, помоги!!! Верни его нам!! Очисти его сердце и душу, ему ведь уже совсем без разницы где он и с кем, Мы его очень любим и переживаем за него!!! я молю, помоги моему горю!!Во имя Отца и Сына и Святого Духа. Аминь! я благодарю тебя, за доброту твою и помощь! спасибо, ЧТО НЕ ОСТАВЛЯЕШЬ НАС ГРЕШНЫХ НА ЕДИНЕ СО СВОЕЙ БОЛЬЮ! СПАСИБО!!

"СВЯТАЯ ПРАВЕДНАЯ СТАРИЦЕ МАТРОНА, МОЛИ БОГА О НАС!"Я молю, помоги вернуть мужа и отца в семью, с другой женщиной он теряет себя, много пьет, она всячески делает преграды в общении с нами, сыном, которого он 12 лет воспитывал, забыл, не интегрируется им, Матронушка, всем сердцем молю, помоги!!! Верни его нам!! Очисти его сердце и душу, ему ведь уже совсем без разницы где он и с кем, Мы его очень любим и переживаем за него!!! я молю, помоги моему горю!!Во имя Отца и Сына и Святого Духа. Аминь! я благодарю тебя, за доброту твою и помощь! спасибо, ЧТО НЕ ОСТАВЛЯЕШЬ НАС ГРЕШНЫХ НА ЕДИНЕ СО СВОЕЙ БОЛЬЮ! СПАСИБО!!

Матушка Матронушка, обратилась к тебе с просьбой помолиться Господу Иисусу христу об исцелении и кажется легче стало, веру обрела, я верю, придет помощь.Я часто обращаюсь к тебе за помощью, молюсь. Ты похожа на мою, уже ушедшую бабушку, царство небесное р.б. марии, она рано ослепла, была глубоко верующей..Что - то исходит от тебя родное. Моли Господа. матушка Матронушка об исцелении р.б. Людмилы. Мне так хочется, как прежде быть здоровой, бодрой. чтобы ножки мои быстро бегали, отсутствовало головокружение, очущалась легкость во всем теле.. Так хочется тегко заботиться о моем маленьком внуке р.б. никите, о самых близких мне людях.Помолись так же Матушка о здоровье родных мне людей:р.б Максиме. р.б. Никите. р.б. Елене, р.б. Алле и ее семье, р.б. Иоане, р.б. Александре.Спасибо тебе Милостивая заступница, что вселяешь веру и надежду.

Дорогая Матушка Матрона, помоги пожалуйста в делах сердечных. По соседству живет парень, который не решается подойти и познакомиться со мною. Мы давно очень нравимся друг другу. Об этом говорят наши взгляды, когда мы видим друг друга. Когда я думаю о нем, мое сердце наполняется любовью. Я очень тоскую, когда долго не вижу его. Когда же встречаю его, я как-будто озаряюсь внутренним светом. Мне кажется, что это любовь. Я бы хотела, чтобы у нас начались отношения с Игорем, основанные на взаимном уважении, доверии, а главное чтобы любовь царила в наших душах. Матушка Матронушка, помоги соединить наши жизни в одну счастливую жизнь. Помолись ,Матушка, пред Создателем за наш с Игорем союз. Мне кажется, что я создала бы с радостью с ним прекрасную и счастливую семью. Аминь.

Святая Блаженная Матушка Матронушка. Прости все грехи мои. И помоги, попроси у Бога за забеременеть. Во Имя Отца и Сына и Святого Духа. Аминь. Раба божья Анна.

Матушка Матронушка! Хочу попросить тебя помолиться господу Богу нашему о помощи в судьбе моей семьи (больше всего на данный момент меня беспокоит судьба младшей дочери и гражданского мужа), помоги нам пережить этот сложный момент и жить в любви, здоровье и счастье, спокойствии дальше. Спасибо тебе Матушка Матронушка!

Страницы

Яндекс.Метрика