Акафист Святой Праведной Блаженной Матроне Московской

Кондак 1
Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.
Икос 1
Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужеши людем и дела Божии явятся чрез тебе. Мы же с любовию вопием ти таковая:

Радуйся, от младенчества Богом избранная; Радуйся, благодатию Духа Святаго от пелен осененная.
Радуйся, даром чудес измлада обогащенная; Радуйся, премудростию от Бога свыше исполненная.
Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.
Радуйся, души заблуждшия к Богу приводящая; Радуйся, скорби и печали утоляющая.
Радуйся, праведная мати Матроно, теплая о нас к Богу молитвеннице.

Кондак 2
Видяще людие и иерей, егда крещаше тя, блаженная, чудный столп облачный над главою твоею и обонявше благоухание велие, дивляхуся, что убо сия отроковица будет, поюще Богу: Аллилуиа.
Икос 2
Разум имея просвещенный, иерей Божий Василий позна, яко крещаемая от него сосуд благодати Божия есть, и тя, праведная Матроно, отроковицу святу нарече. От нашего же усердия приносим ти похвалы сия:

Радуйся, во святей купели благодатию Святаго Духа облагауханная; Радуйся, на персех твоих крест запечатленный имевшая.
Радуйся, молитвеннице, от Бога людем дарованная; Радуйся, свеще неугасимая, пред Господем сияющая.
Радуйся, даром чудотворения от Бога прославленная на земли; Радуйся, венцем неувядаемым от Господа увенчанная на небеси.
Радуйся, милости Божия грешным возвещающая; Радуйся, от источника воды живыя жаждущия напаяющая.
Радуйся, праведная мати Матроно, теплая о нас к Богу молитвеннице.

Кондак 3
Силу Божия благодати ощущающи, еще во младенчестве сущи, Матроно блаженная, ко иконам святым устремлялася еси, и чистым сердцем и младенческими усты хвалу Богу возглашала еси: Аллилуиа.
Икос 3
Имущи от Бога дар прозрения издетска, блаженная мати, сокровенная сердец приходящих к тебе ведущи, и оным будущая, яко настоящая сказующи, многия люди на путь благочестия направляла еси. Темже прославляюще Бога, умудряющаго слепцы, вопием тебе сице:

Радуйся, дивная провидице; Радуйся, сокровенных грехов обличительнице.
Радуйся, помраченных душею пресветлая наставнице; Радуйся, заблуждших милостивая путеводительнице.
Радуйся, звездо, верным путь указующая; Радуйся, свеще, во тьме века сего светящая.
Радуйся, единому Богу послужившая; Радуйся, козни диавольския благодатию Духа Святаго поправшая.
Радуйся, праведная мати Матроно, теплая о нас к Богу молитвеннице.

Кондак 4
Буря недоумения и смятения о чудесех твоих в людех развеяся, мати блаженная, и тии, вразумившу их Господу, дивному во святых Своих, прославиша и восхвалиша тя, Богу же с благодарением воспеша: Аллилуиа.
Икос 4
Слышавше людие, мати Матроно, яко помощь в недузех душевных и телесных подаеши, прихождаху к тебе со упованием, и, совет благоприятен и исцеление получивше, благодаряще Бога, воспеваху тебе:

Радуйся, яко болезнующих и страждующих душею приемлеши; Радуйся, яко мир душам скорбящим даруеши.
Радуйся, в заблуждениих сущих вразумительнице; Радуйся, благочестия учительнице.
Радуйся, печалей наших утолительнице; Радуйся, в скорбех утешительнице.
Радуйся, благая безсребреице; Радуйся, недугов всячеких безмездная врачевательнице.
Радуйся, праведная мати Матроно, теплая о нас к Богу молитвеннице.

Кондак 5
Боготечная звезда возсияла еси, мати блаженная Матроно, во дни лихолетия во Отечествии нашем, яко новая исповедница, иго Христово дерзновенно и безбоязненно чрез все житие пронесла еси, и благодатиею Божиею укрепляема, подавала еси недоумевающим вразумление, страждующим ослабу, больным исцеление, благодарственно зовущим Богу: Аллилуиа.
Икос 5
Видяще мнози Российстии людие чудеса и исцеления, Божиею благодатиею от тебе подаваемая: хромым – хождение, разслабленным и на одре лежащим – исцеление, беснующимся – духов злобы отгнание, устремишася к тебе, мати, яко к источнику неисчерпаемому, от него же испивше обильно, умиленным сердцем возопиша тебе таковая:

Радуйся, на путь правый от младенчества призванная; Радуйся, праведнице, от Бога нам дарованная.
Радуйся, целительнице, недуги наша исцеляющая; Радуйся, в нуждах наших скоро помогающая.
Радуйся, душеполезными советы нас вразумляющая; Радуйся, недоумения наша скоро разрешающая.
Радуйся, духи нечистыя от человек отгоняющая; Радуйся, от всякого зла молитвою твоею ограждающая.
Радуйся, праведная мати Матроно, теплая о нас к Богу молитвеннице.

Кондак 6
Провозвестник святости и праведности жития твоего, блаженная мати, явися святый и праведный отец Иоанн Кронштадтский, егда узре тя во храме и наименова тя свою преемницу таже и осмый столп России. Вси же, слышавше сие, прославиша Господа, возглашающе Ему песнь: Аллилуиа.
Икос 6
Возсия молитвами твоими, мати Матроно, свет благодати Божия в сердцах, не ведущих Бога и грехми многими прогневляющих Его. Тии же, видяще чудеса, тобою совершаемая, обращахуся ко Господу, ублажающе тя сице:

Радуйся, подвиги твоими Бога прославляющая; Радуйся, славу Божию нам являющая.
Радуйся, неверныя на путь правый наставляющая; Радуйся, грехми оскверненныя молитвами твоими очищающая.
Радуйся, к покаянию нас призывающая; Радуйся, за вся благодарити Господа нас вразумляющая.
Радуйся, храм Божий любити нас научающая; Радуйся, во ограду церковную расточенныя овцы собирающая.
Радуйся, праведная мати Матроно, теплая о нас к Богу молитвеннице.

Кондак 7
Хотящи Пресвятую Владычицу нашу Богородицу достойно ублажити, мати Матроно, повелела еси людем написати всечестный образ Ея, «Взыскание погибших» именуемый и в храме Божием веси твоея водворити, да вси взирающе на светлый лик Пречистыя, со умилением восхвалят Ю, Господу же возопиют: Аллилуиа.
Икос 7
Новую тя заступницу, молитвенницу и ходатаицу к Богу дарова Господь в годину тяжкую людем Российским, мнози бо отпадаху от Святыя Церкве, ты же, мати, маловерныя и заблуждшия наставляла еси словом и делом, являющи дивная чудеса Божия. Темже воспеваем ти сице:

Радуйся, страны нашея Российския неусыпная печальнице; Радуйся, спасения нашего ходатаице.
Радуйся, Бога, Судии праведнаго, умилостивительнице; Радуйся, недужных и обидимых покровительнице.
Радуйся, немощных и безнадежных помощнице; Радуйся, противу духов злобы непрестанная воительнице.
Радуйся, яко трепещут тя князи бесовстии; Радуйся, яко радуются о тебе ангелы и человецы.
Радуйся, праведная мати Матроно, теплая о нас к Богу молитвеннице.

Кондак 8

Странно маловерным и неразумным бысть, како слепорожденная видети и ведети может не точию настоящая, но и будущая, не ведяху бо силы Божия, в немощи человечестей совершаемыя. Мы же, блаженная мати, премудрость Божию, в тебе явленную зряще, вопием Богу: Аллилуиа.

Икос 8
Всяческия досаждения и обиды, изгнания и укорения претерпела еси, блаженная мати, не сетующи о сем, но за вся благодарящи Бога. Сим же и нас научаеши терпеливно нести крест свой, тебе же благохвалити тако:

Радуйся, в молитве непрестанно пребывавшая; Радуйся, духов злобы постом и молитвою отгнавшая.
Радуйся, мир благодатный стяжавшая; Радуйся, любовию твоею многия окрест тебе спасавшая.
Радуйся, житием твоим изрядно людем послужившая; Радуйся, и по кончине твоей людем непрестанно помогающая.
Радуйся, и ныне нашим прошением тепле внимающая; Радуйся, уповающих на помощь твою не оставляющая.
Радуйся, праведная мати Матроно, теплая о нас к Богу молитвеннице.

Кондак 9
Всякия скорби и болезни аще и претерпела еси, мати Матроно, непрестанно ведущи брань с силами тьмы, обличающи козни и коварства их, и изгоняющи бесы от одержимых, обаче до кончины дний твоих помогала еси страждующим, недугующим и скорбящим, присно поющи Богу: Аллилуиа.
Икос 9
Ветии многовещаннии не возмогут достойно прославити святое житие твое и чудеса, силою Божиею тобою творимая, предивная старице. Мы же, хотяще псаломски хвалити Бога во святых Его и подвизаемии сердечною любовию, дерзаем пети тебе таковая:

Радуйся, узкий путь и тесная врата избравшая; Радуйся, добродетельми многими просиявшая.
Радуйся, вся тленная в житии твоем отвергшая; Радуйся, смирением, яко венцем драгим, украшенная.
Радуйся, евангельски, яко птица небесная, на земли пожившая; Радуйся, Сыну Божию, не имевшему, где главу подклонити, последовавшая.
Радуйся, ныне во обителех райских веселящаяся; Радуйся, и нас, грешных, молящихся тебе, милостию твоею не оставляющая.
Радуйся, праведная мати Матроно, теплая о нас к Богу молитвеннице.

Кондак 10
Спасти хотящи многия люди от страданий телесных и душевных недуг, всенощно пребывала еси, праведнице Божия, в молитве, просящи им помощи и укрепления от Господа нашего Иисуса Христа, поющи Ему: Аллилуиа.
Икос 10
Стена и покров была еси во дни жития твоего, блаженная мати, всем к тебе прибегающим, и по смерти не престаеши ходатайствовати пред Богом о людех, с верою притекающих ко гробу твоему. Темже убо, услыши ныне и нас, грешных, скорбьми, болезньми и многими печальми одержимых и потщися на помощь твоими молитвами, всем, к тебе вопиющим:

Радуйся, обидимых скорая предстательнице; Радуйся, терпящих лишения утешительнице.
Радуйся, честнаго супружества охранение; Радуйся, всех, во вражде сущих, умирение.
Радуйся, неправо на суд влекомых защитительнице; Радуйся, и о виновных пред судом земным к Богу милостивая ходатаице.
Радуйся, лишившихся крова пристанище; Радуйся, о всех к тебе взывающих, заступнице.
Радуйся, праведная мати Матроно, теплая о нас к Богу молитвеннице.

Кондак 11
Пение ангельское слышала еси, мати честная Матроно, еще на земли живущи. Научи и нас, недостойных, како подобает славити Бога, в Троице почитаемаго, Отца и Сына и Святаго Духа, Ему же непрестанно воинства небесная велегласно воспевают: Аллилуиа.
Икос 11
Светозарным светом сияет житие твое, блаженная Матроно, освещая мрак многосуетнаго мира сего, и влечет к себе души наша: яко да и мы лучею благодати Божия озаримся и скорбный путь привременныя жизни богоугодно пройдем и Царствия Божия достигнем, идеже ты, мати, ныне вселилася еси, слышащи глас наш, тебе зовущих:

Радуйся, свеще Божия, присно горящая; Радуйся, бисере честный, блистанием святыни твоея нас озаряющий.
Радуйся, цвете благовонный, Духом Святым нас облагоухающий; Радуйся, каменю веры, малодушныя в благочестии утверждающий.
Радуйся, звездо пресветлая, правый путь нам указующая; Радуйся, добрая воительнице Христова, мечем молитвы демонския полки устрашающая.
Радуйся, яко все житие твое свято и непорочно; Радуйся, яко и смерть твоя пред Господем честна.
Радуйся, праведная мати Матроно, теплая о нас к Богу молитвеннице.

Кондак 12
Благодать Божию обильно еще от пелен восприяла еси, мати блаженная, яже выну пребысть с тобою по вся дни жизни. Веруем несумненно, яко и по успении твоем благодать сия пребогатно пребывает с тобою. Сего ради припадающе молимся: не лиши и нас, еще странствующих на земли, помощи твоея и заступления, просящи Господа помиловати всех, поющих Ему: Аллилуиа.
Икос 12
Поюще многая и дивная твоя чудеса, мати Матроно, восхваляем Бога, даровавшаго граду Москве и Отечеству нашему во дни безбожия и гонения тя, непоколебимый столп благочестия и веры. Ныне же, блаженная мати, благодарным сердцем воспеваем тебе сице:

Радуйся, мир Христов в душе твоей стяжавшая; Радуйся, сего ради многая люди окрест тебе к Богу приведшая.
Радуйся, в немощном теле сущи, силу Божия благодати показавшая; Радуйся, во обретении честных мощей твоих Божию милость нам явившая.
Радуйся, сонма святых Московских изрядное процветение; Радуйся, града Москвы преславное украшение.
Радуйся, Отечества нашего присная пред Богом печальнице. Радуйся, к покаянию и молитве о земли Российстей всех призывающая.
Радуйся, праведная мати Матроно, теплая о нас к Богу молитвеннице.

Кондак 13
О блаженная мати, услыши ныне воспеваемое тебе хвалебное пение и испроси нам у Господа Иисуса Христа грехов оставление, христианския мирныя кончины и добраго ответа на страшном судищи Его, да и мы с тобою сподобимся в селениих райских славити Святую Троицу, вопиюще: Аллилуиа.

(Сей кондак читается трижды, затем икос 1-й и кондак 1-й)

Икос 1
Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужеши людем и дела Божии явятся чрез тебе. Мы же с любовию вопием ти таковая:

Радуйся, от младенчества Богом избранная; Радуйся, благодатию Духа Святаго от пелен осененная.
Радуйся, даром чудес измлада обогащенная; Радуйся, премудростию от Бога свыше исполненная.
Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.
Радуйся, души заблуждшия к Богу приводящая; Радуйся, скорби и печали утоляющая.
Радуйся, праведная мати Матроно, теплая о нас к Богу молитвеннице.

Кондак 1
Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.

Сообщения

Благодарствую тебе святая Матронушка! Спаси и сохрани мою семью от врагов,долгов ,болезней и смерти! Во имя Отца иСына иСвятого Духа.Аминь!

Дорогая, любимая Матушка Матронушка! Ты не раз помогала мне в решении мирских проблем, молилась перед Господом Богом нашим Иисусом Христом и Пресвятой Богородицей о даровании здоровья моим близким и мне р.б. Елене. Вот и сейчас обращаюсь к тебе, Матушка Матронушка, с большой просьбой о вразумлении и наставлении на путь истинный моего старшего сыночка Никитушки. Он не ведает, что творит. Оскорбляет меня и мужа. Считает мать виновницей всех его бед. Затаил на меня большую обиду и злость. Ведет себя очень агрессивно. Порой кажется, что в него вселился недобрый. Раньше он был хороший и послушный ребенок, успешно учился в школе. Успевал по всем предметам. Часто со мной ходил в храм Божий, был Богобоязненный. Но в 11 классе на него стал сильно влиять мой бывший муж и сын стал меняться на глазах в худшую сторону. Он уехал учиться к отцу, стал выпивать, грубить мне и моим родственникам. Он постоянно говорит мне, что я его не люблю, не вижу в нем гения. В последнее время им завладела идея, что он гениален. Это дает ему право вести себя развязно, не соблюдая законов морали и нравственности. У него плохой хмель, выпив он становится агрессивным, дерзким. Прошу, моя дорогая Матронушка, помоги мне в моей беде!!! Я очень люблю моего сына. Прощаю ему все обидные слова, которые он сказал мне. Я знаю, что материнская любовь и молитва имеет большую силу, даже поднимает со дна морского. Прошу тебя не отвернись от меня и помолись за душу моего сына грешного р.б. Никиты. Ибо не ведает, что творит. Он очень молодой, еще формируется как личность. Помоги ему пройти все искушения и избавиться от лукавого, вселившегося в него. Помоги наладить мне с ним добрые человеческие отношения. Помоги ему посмотреть на маму другими глазами без злобы и упреков. Помоги ему поступить и выучиться в театральном институте. Пошли ему добрых людей на его пути, хороших и верных друзей, мудрых преподавателей. Избавь его от лукавого, который ожесточил его сердце. Пусть его творчество несет людям благо и любовь. Пусть он найдет себя и повернется к вере православной, станет Богобоязненным и миролюбивым. Пусть с честью и достоинством пройдет все испытания, выпавшие на его судьбу. Я прошу прощения у Бога, за то, что где-то упустила моего сына, не воспитала его так как полагается. Прошу и у него прощения за то, что иногда была с ним чересчур категорична и жестка. Знаю, что по вере нам воздается. Всем сердцем люблю тебя, дорогая Матронушка, и верю, что услышишь ты меня и поможешь мне. Не оставляй меня и моего сына. Дай мне шанс быть достойной матерью своих детей. Дождаться внуков, жить в мире и согласии. Во имя Отца, Сына и Святого Духа. Аминь.

Дорогая Матронушка,помоги мужу поправится,помоги ппеодолеть все трудности в связи с квартирным вопросом.Не оставляй нас!!!Аминь!!!

Матушка Матронушка!Молю тебя,помоги пожалуйста,очень хотим с мужем Михаилом ребеночка.Дай мне душевных и физических сил зачать.выносить,и родить здорового ребенка.Умоли Господа нашего Иисуса Христа простить нам все наши согрешения,беззакония и грехопадения.,да твоими молитвами получившие благодать и велию милость,прославим в Троице Единаго Бога,Отца,и Сына,и Святого Духа,ныне и присно и во веки веков.Аминь.

Мати Матроно, прошу тебя, помоги обрести здоровье телесное и душевное! Помоги простить ушедшую из жизни женщину, делавшую при жизни ее много плохих деяний мне. Помоги моему сыну бросить курить.Помоги примириться с мужем.Прошу тебя, мати Матронушка,избавь меня и моего сына, моих внуков от порчи и сглаза, плохих слов и наговоров. Помоги сохранить мир, любовь, спокойствие и здоровье всех моих родных и близких. Верую всей душой и сердцем в тебя! Помоги, мати Матроно, во имя Отца, и Сына, и Святого Духа. Аминь.

Матушка Матронушка! Прошу помоги моему мужу,р.б. Михаилу рассчитаться с долгами и найти хорошую работу. Мы взяли ипотеку, а квартиру нам не могут сдать. У нас 2 деток. Помоги нам, пожалуйста. Пошли здоровья моим деткам и родителям. Молю и прошу не оставь нас!

Матушка Матронушка! Прошу помоги моему мужу,р.б. Михаилу рассчитаться с долгами и найти хорошую работу. Мы взяли ипотеку, а квартиру нам не могут сдать. У нас 2 деток. Помоги нам, пожалуйста. Пошли здоровья моим деткам и родителям. Молю и прошу не оставь нас!

Святая праведница матушка Матрона. Всем людям ты заступница и помощница, помоги и мне р.б. Марии в беде моей, верни мне грешной любимого и любящего только меня мужа р.б.Александра, верни его и успокой его.Прожили 2,5 года в гражданском браке, хорошо прожили, понимали и помогали друг другу, но позавидовали нам, счастью нашему, увели. Не оставь меня грешную помощью и заступничеством своим, моли Господа о р.б. Марии. Вразуми меня, дай совет, покажи путь в решении проблемы, связанной с уходом р.б. Александра. Блаженная старица Матрона, заступница наша и просительница перед Господом, смотришь ты своим взором духовным и в прошлое и в будущее, все открыто тебе. Верни мне мужа р.б. Александра, освободи его от пут и обязательств перед другой женщиной, разлучницей, которая влезла в наши отношения. Дай ей другого мужчину, а моего пусть вернет. Помоги мне. Благодарю за помощь твою святую, дай мне сил стерпеть несправедливое его отношение ко мне, дай терпения, воли и благоразумия преодалеть непосильное для меня горе. О Блаженная мати Матрона, услыши ныне воспеваемое тебе хвалебное пение и моление, обещавшая и по смерти слышать вопиющих к тебе и испроси у Спасителя нашего Господа Иисуса Христа грехов наших прощения и доброго совета на страшном судилище его. Во имя Отца и Сына и Святого духа. Аминь.

Святая праведница матушка Матрона. Всем людям ты заступница и помощница, помоги и мне р.б. Марии в беде моей, верни мне грешной любимого и любящего только меня мужа р.б.Александра, верни его и успокой его.Прожили 2,5 года в гражданском браке, хорошо прожили, понимали и помогали друг другу, но позавидовали нам, счастью нашему, увели. Не оставь меня грешную помощью и заступничеством своим, моли Господа о р.б. Марии. Вразуми меня, дай совет, покажи путь в решении проблемы, связанной с уходом р.б. Александра. Блаженная старица Матрона, заступница наша и просительница перед Господом, смотришь ты своим взором духовным и в прошлое и в будущее, все открыто тебе. Верни мне мужа р.б. Александра, освободи его от пут и обязательств перед другой женщиной, разлучницей, которая влезла в наши отношения. Дай ей другого мужчину, а моего пусть вернет. Помоги мне. Благодарю за помощь твою святую, дай мне сил стерпеть несправедливое его отношение ко мне, дай терпения, воли и благоразумия преодалеть непосильное для меня горе. О Блаженная мати Матрона, услыши ныне воспеваемое тебе хвалебное пение и моление, обещавшая и по смерти слышать вопиющих к тебе и испроси у Спасителя нашего Господа Иисуса Христа грехов наших прощения и доброго совета на страшном судилище его. Во имя Отца и Сына и Святого духа. Аминь.

Страницы

Яндекс.Метрика