Акафист Святой Праведной Блаженной Матроне Московской

Кондак 1
Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.
Икос 1
Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужеши людем и дела Божии явятся чрез тебе. Мы же с любовию вопием ти таковая:

Радуйся, от младенчества Богом избранная; Радуйся, благодатию Духа Святаго от пелен осененная.
Радуйся, даром чудес измлада обогащенная; Радуйся, премудростию от Бога свыше исполненная.
Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.
Радуйся, души заблуждшия к Богу приводящая; Радуйся, скорби и печали утоляющая.
Радуйся, праведная мати Матроно, теплая о нас к Богу молитвеннице.

Кондак 2
Видяще людие и иерей, егда крещаше тя, блаженная, чудный столп облачный над главою твоею и обонявше благоухание велие, дивляхуся, что убо сия отроковица будет, поюще Богу: Аллилуиа.
Икос 2
Разум имея просвещенный, иерей Божий Василий позна, яко крещаемая от него сосуд благодати Божия есть, и тя, праведная Матроно, отроковицу святу нарече. От нашего же усердия приносим ти похвалы сия:

Радуйся, во святей купели благодатию Святаго Духа облагауханная; Радуйся, на персех твоих крест запечатленный имевшая.
Радуйся, молитвеннице, от Бога людем дарованная; Радуйся, свеще неугасимая, пред Господем сияющая.
Радуйся, даром чудотворения от Бога прославленная на земли; Радуйся, венцем неувядаемым от Господа увенчанная на небеси.
Радуйся, милости Божия грешным возвещающая; Радуйся, от источника воды живыя жаждущия напаяющая.
Радуйся, праведная мати Матроно, теплая о нас к Богу молитвеннице.

Кондак 3
Силу Божия благодати ощущающи, еще во младенчестве сущи, Матроно блаженная, ко иконам святым устремлялася еси, и чистым сердцем и младенческими усты хвалу Богу возглашала еси: Аллилуиа.
Икос 3
Имущи от Бога дар прозрения издетска, блаженная мати, сокровенная сердец приходящих к тебе ведущи, и оным будущая, яко настоящая сказующи, многия люди на путь благочестия направляла еси. Темже прославляюще Бога, умудряющаго слепцы, вопием тебе сице:

Радуйся, дивная провидице; Радуйся, сокровенных грехов обличительнице.
Радуйся, помраченных душею пресветлая наставнице; Радуйся, заблуждших милостивая путеводительнице.
Радуйся, звездо, верным путь указующая; Радуйся, свеще, во тьме века сего светящая.
Радуйся, единому Богу послужившая; Радуйся, козни диавольския благодатию Духа Святаго поправшая.
Радуйся, праведная мати Матроно, теплая о нас к Богу молитвеннице.

Кондак 4
Буря недоумения и смятения о чудесех твоих в людех развеяся, мати блаженная, и тии, вразумившу их Господу, дивному во святых Своих, прославиша и восхвалиша тя, Богу же с благодарением воспеша: Аллилуиа.
Икос 4
Слышавше людие, мати Матроно, яко помощь в недузех душевных и телесных подаеши, прихождаху к тебе со упованием, и, совет благоприятен и исцеление получивше, благодаряще Бога, воспеваху тебе:

Радуйся, яко болезнующих и страждующих душею приемлеши; Радуйся, яко мир душам скорбящим даруеши.
Радуйся, в заблуждениих сущих вразумительнице; Радуйся, благочестия учительнице.
Радуйся, печалей наших утолительнице; Радуйся, в скорбех утешительнице.
Радуйся, благая безсребреице; Радуйся, недугов всячеких безмездная врачевательнице.
Радуйся, праведная мати Матроно, теплая о нас к Богу молитвеннице.

Кондак 5
Боготечная звезда возсияла еси, мати блаженная Матроно, во дни лихолетия во Отечествии нашем, яко новая исповедница, иго Христово дерзновенно и безбоязненно чрез все житие пронесла еси, и благодатиею Божиею укрепляема, подавала еси недоумевающим вразумление, страждующим ослабу, больным исцеление, благодарственно зовущим Богу: Аллилуиа.
Икос 5
Видяще мнози Российстии людие чудеса и исцеления, Божиею благодатиею от тебе подаваемая: хромым – хождение, разслабленным и на одре лежащим – исцеление, беснующимся – духов злобы отгнание, устремишася к тебе, мати, яко к источнику неисчерпаемому, от него же испивше обильно, умиленным сердцем возопиша тебе таковая:

Радуйся, на путь правый от младенчества призванная; Радуйся, праведнице, от Бога нам дарованная.
Радуйся, целительнице, недуги наша исцеляющая; Радуйся, в нуждах наших скоро помогающая.
Радуйся, душеполезными советы нас вразумляющая; Радуйся, недоумения наша скоро разрешающая.
Радуйся, духи нечистыя от человек отгоняющая; Радуйся, от всякого зла молитвою твоею ограждающая.
Радуйся, праведная мати Матроно, теплая о нас к Богу молитвеннице.

Кондак 6
Провозвестник святости и праведности жития твоего, блаженная мати, явися святый и праведный отец Иоанн Кронштадтский, егда узре тя во храме и наименова тя свою преемницу таже и осмый столп России. Вси же, слышавше сие, прославиша Господа, возглашающе Ему песнь: Аллилуиа.
Икос 6
Возсия молитвами твоими, мати Матроно, свет благодати Божия в сердцах, не ведущих Бога и грехми многими прогневляющих Его. Тии же, видяще чудеса, тобою совершаемая, обращахуся ко Господу, ублажающе тя сице:

Радуйся, подвиги твоими Бога прославляющая; Радуйся, славу Божию нам являющая.
Радуйся, неверныя на путь правый наставляющая; Радуйся, грехми оскверненныя молитвами твоими очищающая.
Радуйся, к покаянию нас призывающая; Радуйся, за вся благодарити Господа нас вразумляющая.
Радуйся, храм Божий любити нас научающая; Радуйся, во ограду церковную расточенныя овцы собирающая.
Радуйся, праведная мати Матроно, теплая о нас к Богу молитвеннице.

Кондак 7
Хотящи Пресвятую Владычицу нашу Богородицу достойно ублажити, мати Матроно, повелела еси людем написати всечестный образ Ея, «Взыскание погибших» именуемый и в храме Божием веси твоея водворити, да вси взирающе на светлый лик Пречистыя, со умилением восхвалят Ю, Господу же возопиют: Аллилуиа.
Икос 7
Новую тя заступницу, молитвенницу и ходатаицу к Богу дарова Господь в годину тяжкую людем Российским, мнози бо отпадаху от Святыя Церкве, ты же, мати, маловерныя и заблуждшия наставляла еси словом и делом, являющи дивная чудеса Божия. Темже воспеваем ти сице:

Радуйся, страны нашея Российския неусыпная печальнице; Радуйся, спасения нашего ходатаице.
Радуйся, Бога, Судии праведнаго, умилостивительнице; Радуйся, недужных и обидимых покровительнице.
Радуйся, немощных и безнадежных помощнице; Радуйся, противу духов злобы непрестанная воительнице.
Радуйся, яко трепещут тя князи бесовстии; Радуйся, яко радуются о тебе ангелы и человецы.
Радуйся, праведная мати Матроно, теплая о нас к Богу молитвеннице.

Кондак 8

Странно маловерным и неразумным бысть, како слепорожденная видети и ведети может не точию настоящая, но и будущая, не ведяху бо силы Божия, в немощи человечестей совершаемыя. Мы же, блаженная мати, премудрость Божию, в тебе явленную зряще, вопием Богу: Аллилуиа.

Икос 8
Всяческия досаждения и обиды, изгнания и укорения претерпела еси, блаженная мати, не сетующи о сем, но за вся благодарящи Бога. Сим же и нас научаеши терпеливно нести крест свой, тебе же благохвалити тако:

Радуйся, в молитве непрестанно пребывавшая; Радуйся, духов злобы постом и молитвою отгнавшая.
Радуйся, мир благодатный стяжавшая; Радуйся, любовию твоею многия окрест тебе спасавшая.
Радуйся, житием твоим изрядно людем послужившая; Радуйся, и по кончине твоей людем непрестанно помогающая.
Радуйся, и ныне нашим прошением тепле внимающая; Радуйся, уповающих на помощь твою не оставляющая.
Радуйся, праведная мати Матроно, теплая о нас к Богу молитвеннице.

Кондак 9
Всякия скорби и болезни аще и претерпела еси, мати Матроно, непрестанно ведущи брань с силами тьмы, обличающи козни и коварства их, и изгоняющи бесы от одержимых, обаче до кончины дний твоих помогала еси страждующим, недугующим и скорбящим, присно поющи Богу: Аллилуиа.
Икос 9
Ветии многовещаннии не возмогут достойно прославити святое житие твое и чудеса, силою Божиею тобою творимая, предивная старице. Мы же, хотяще псаломски хвалити Бога во святых Его и подвизаемии сердечною любовию, дерзаем пети тебе таковая:

Радуйся, узкий путь и тесная врата избравшая; Радуйся, добродетельми многими просиявшая.
Радуйся, вся тленная в житии твоем отвергшая; Радуйся, смирением, яко венцем драгим, украшенная.
Радуйся, евангельски, яко птица небесная, на земли пожившая; Радуйся, Сыну Божию, не имевшему, где главу подклонити, последовавшая.
Радуйся, ныне во обителех райских веселящаяся; Радуйся, и нас, грешных, молящихся тебе, милостию твоею не оставляющая.
Радуйся, праведная мати Матроно, теплая о нас к Богу молитвеннице.

Кондак 10
Спасти хотящи многия люди от страданий телесных и душевных недуг, всенощно пребывала еси, праведнице Божия, в молитве, просящи им помощи и укрепления от Господа нашего Иисуса Христа, поющи Ему: Аллилуиа.
Икос 10
Стена и покров была еси во дни жития твоего, блаженная мати, всем к тебе прибегающим, и по смерти не престаеши ходатайствовати пред Богом о людех, с верою притекающих ко гробу твоему. Темже убо, услыши ныне и нас, грешных, скорбьми, болезньми и многими печальми одержимых и потщися на помощь твоими молитвами, всем, к тебе вопиющим:

Радуйся, обидимых скорая предстательнице; Радуйся, терпящих лишения утешительнице.
Радуйся, честнаго супружества охранение; Радуйся, всех, во вражде сущих, умирение.
Радуйся, неправо на суд влекомых защитительнице; Радуйся, и о виновных пред судом земным к Богу милостивая ходатаице.
Радуйся, лишившихся крова пристанище; Радуйся, о всех к тебе взывающих, заступнице.
Радуйся, праведная мати Матроно, теплая о нас к Богу молитвеннице.

Кондак 11
Пение ангельское слышала еси, мати честная Матроно, еще на земли живущи. Научи и нас, недостойных, како подобает славити Бога, в Троице почитаемаго, Отца и Сына и Святаго Духа, Ему же непрестанно воинства небесная велегласно воспевают: Аллилуиа.
Икос 11
Светозарным светом сияет житие твое, блаженная Матроно, освещая мрак многосуетнаго мира сего, и влечет к себе души наша: яко да и мы лучею благодати Божия озаримся и скорбный путь привременныя жизни богоугодно пройдем и Царствия Божия достигнем, идеже ты, мати, ныне вселилася еси, слышащи глас наш, тебе зовущих:

Радуйся, свеще Божия, присно горящая; Радуйся, бисере честный, блистанием святыни твоея нас озаряющий.
Радуйся, цвете благовонный, Духом Святым нас облагоухающий; Радуйся, каменю веры, малодушныя в благочестии утверждающий.
Радуйся, звездо пресветлая, правый путь нам указующая; Радуйся, добрая воительнице Христова, мечем молитвы демонския полки устрашающая.
Радуйся, яко все житие твое свято и непорочно; Радуйся, яко и смерть твоя пред Господем честна.
Радуйся, праведная мати Матроно, теплая о нас к Богу молитвеннице.

Кондак 12
Благодать Божию обильно еще от пелен восприяла еси, мати блаженная, яже выну пребысть с тобою по вся дни жизни. Веруем несумненно, яко и по успении твоем благодать сия пребогатно пребывает с тобою. Сего ради припадающе молимся: не лиши и нас, еще странствующих на земли, помощи твоея и заступления, просящи Господа помиловати всех, поющих Ему: Аллилуиа.
Икос 12
Поюще многая и дивная твоя чудеса, мати Матроно, восхваляем Бога, даровавшаго граду Москве и Отечеству нашему во дни безбожия и гонения тя, непоколебимый столп благочестия и веры. Ныне же, блаженная мати, благодарным сердцем воспеваем тебе сице:

Радуйся, мир Христов в душе твоей стяжавшая; Радуйся, сего ради многая люди окрест тебе к Богу приведшая.
Радуйся, в немощном теле сущи, силу Божия благодати показавшая; Радуйся, во обретении честных мощей твоих Божию милость нам явившая.
Радуйся, сонма святых Московских изрядное процветение; Радуйся, града Москвы преславное украшение.
Радуйся, Отечества нашего присная пред Богом печальнице. Радуйся, к покаянию и молитве о земли Российстей всех призывающая.
Радуйся, праведная мати Матроно, теплая о нас к Богу молитвеннице.

Кондак 13
О блаженная мати, услыши ныне воспеваемое тебе хвалебное пение и испроси нам у Господа Иисуса Христа грехов оставление, христианския мирныя кончины и добраго ответа на страшном судищи Его, да и мы с тобою сподобимся в селениих райских славити Святую Троицу, вопиюще: Аллилуиа.

(Сей кондак читается трижды, затем икос 1-й и кондак 1-й)

Икос 1
Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужеши людем и дела Божии явятся чрез тебе. Мы же с любовию вопием ти таковая:

Радуйся, от младенчества Богом избранная; Радуйся, благодатию Духа Святаго от пелен осененная.
Радуйся, даром чудес измлада обогащенная; Радуйся, премудростию от Бога свыше исполненная.
Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.
Радуйся, души заблуждшия к Богу приводящая; Радуйся, скорби и печали утоляющая.
Радуйся, праведная мати Матроно, теплая о нас к Богу молитвеннице.

Кондак 1
Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.

Сообщения

матушка матронушка помоги моему сыну Николаю бросить пить спиртное.Пьет запоями и от етого потом болеет.Помоги ему справиться с этим недугом и растить своего сына .Успокой его нервы и помоги ему в работе.Наставь его на верный жизненный путь.Спасибол за заботу о нас грешных.Молю тебя и низко кланяюсь.София.

СВЯТАЯ МАТУШКА МАТРОНА! Помолись перед Господом нашим ИИСУСОМ ХРИСТОМ и Пречистой Матушкой БОГОРОДИЦЕЙ за раба божьего Романа! Наставь его на путь истинный. Помоги ему сдать все экзамены зачеты,допуски по наукам учебным и перейти на третий курс университета. очень прошу тебя принять участие в нашей жизни. Спаси и сохрани всех родных и близких.прости нам все пригрешения вольные и невольные.спаибо тебе святаяя Матушка Матронушка.

СВЯТАЯ МАТУШКА МАТРОНА! Помолись перед Господом нашим ИИСУСОМ ХРИСТОМ и Пречистой Матушкой БОГОРОДИЦЕЙ за раба божьего Руслана! Наставь меня на путь истинный. Помоги избавиться от одиночества и сохранить семью с рабой божьей Елизаветой! Помоги ей увидеть искренность отношения к ней и чистоту намерений. Пусть она оставит меня в качестве своего спутника жизни. Дышать и жить без нее не могу. Очень страдаю. Разум, сердце, душа разрывается. ЕСЛИ НА ЭТО БУДЕТ ВОЛЯ БОЖЬЯ! Помоги пожалуйста, МАТУШКА МАТРОНА! Молю тебя! Я знаю, ты мне поможешь МАТУШКА МАТРОНУШКА. Спасибо тебе, дорогая Матронушка что не оставляешь просьбы и молитвы наши без внимания своего. Я верю в твою помощь и благодать. ВО ИМЯ ОТЦА И СЫНА И СВЯТОГО ДУХА АМИНЬ! АМИНЬ!АМИНЬ!

Матушка Матроно,прошу тебя не оставь меня.Матушка милая помолись Господу Богу обо мне,о прощении грехов моих и милости.Матушка помоги мне,если же виновата я в чем то пред рабой Ольгой и рабой Надеждой,пусть простят меня они не держат зла,и не препятствуют нашей любви с рабом божиим Евгением.Матушка ты с небес все видишь,люблю я его,всем сердцем,помоги нам быть вместе семью создать,ребеночка родить наконец-то быть рядом,пожениться.Я прошу тебя Матушка,позволь мне грешной счастье обрести,а коли же не судьба нам вместе быть,так пусть он счастлив будет,а я в ближайший месяц свое счастье найду.Замуж выйду.Матронушка,прмоги,смилуйся над сердцем моим одиноким,Аминь.

СВЯТАЯ МАТУШКА МАТРОНА! Помолись перед Господом нашим ИИСУСОМ ХРИСТОМ и Пречистой Матушкой БОГОРОДИЦЕЙ за рабу божью Ирину! Наставь меня на путь истинный. Помоги избавиться от одиночества и обрести свое женское счастье с рабом божьим Борисом! Помоги ему увидеть искренность отношения к нему и чистоту намерений. Пусть он выберет меня в качестве своей спутницы жизни. Дышать и жить без него не могу. Очень страдаю. Разум, сердце, душа разрывается. ЕСЛИ НА ЭТО БУДЕТ ВОЛЯ БОЖЬЯ! Помоги пожалуйста, МАТУШКА МАТРОНА! Молю тебя! Я знаю, ты мне поможешь МАТУШКА МАТРОНУШКА. Спасибо тебе, дорогая Матронушка что не оставляешь просьбы и молитвы наши без внимания своего. Я верю в твою помощь и благодать. ВО ИМЯ ОТЦА И СЫНА И СВЯТОГО ДУХА АМИНЬ! АМИНЬ!АМИНЬ!

Матушка Матрона! Помоги мне верну мою любимую Анастасию Алексеевну Горшкову! Я её очень люблю! Она говорит давай останемся друзьями! А я её дюблю сильно и она тоже любит и ей больно и страшно что не видит будующего со мной, боится нестабильности, я клянусь вмё сделаю для нашего семейного благополучия! И у меня уже есть результаты и Анастасиюшка моя это видит! Просто сейчас хочет побыть одна! Помоги! Я хочу посвятить свою жизнь ей, верой и правдой! Прости и помоги!

Матушка Матрона! Помоги мне вернуть мою любимую Анастасию Алексеевну Горшкову! Я её очень люблю! Она говорит давай останемся друзьями! А я её дюблю сильно и она тоже любит хоть и говорит что я тебя не люблю больше что мне скучно с тобой и ей больно и страшно что не видит будующего со мной, боится нестабильности, я клянусь всё сделаю для нашего семейного благополучия! И у меня уже есть результаты и Анастасиюшка моя это видит! Просто сейчас хочет побыть одна! Помоги! Я хочу посвятить свою жизнь ей, верой и правдой! Прости и помоги!

Милая Матушка Матронушка! Заступница, проси Бога обо мне, грешной, дабы простил мне грехи (в том числе грех аборта). Пожалуйста, пусть мой муж (раб Божий Павел)будет мне человеком для жизни! И что бы у нас родился здоровый, счастливый и красивый ребенок! Спасибо, милая Матушка Матронушка, что ты есть у нас! Во Имя Отца и Сына и Святого Духа. Аминь. Раба Божия Наталья

"СВЯТАЯ ПРАВЕДНАЯ СТАРИЦЕ МАТРОНА, МОЛИ БОГА О НАС!" Святая Матронушка, помоги выйти из тудных жизненных обстоятельств с честью и достоинством, помоги уладить все неурядицы и никого не обидеть - ни ближних, ни дальних! Дай мне сил и здоровья поднять доченьку - дать ей образование и наставь на путь истинный мое дитя. Помоги найти в себе силы - и физические и душевные, чтобы выстоять в это сложное для моей семьи время. Помоги найти интересную и достойную работу, обрести, наконец собственный очаг - дом или квартиру, мне и моему ребенку, никого при этом не ущемив и не обидев, расчитаться со всеми долгами и поправить свое здоровье и здоровье моей мамочки. Умоли Господа нашего, чтобы простил мне грехи - вольные и невольные и наставил на путь истинный и дал новые возможности, силы и любовь. И спасибо тебе Матронушка, что помогаешь страждущим!

О блаженная Матушка Матрона, моли Бога о нас! Смирено прошу - помолись за нас перед Господом нашим ИИСУСОМ ХРИСТОМ и Пречистой Матушкой БОГОРОДИЦЕЙ о прощении грехов наших вольных и невольных, о которых мы знаем и о которых мы не догадываемся в каждодневной суетной и неправедной жизни нашей. Прошу у тебя заступничества и помощи в обретении духовной силы р.б. Ольге перед жизненными невзгодами. Молю о благополучии семьи моей и всех моих родных по крови. Молю о ниспослании детям моим отпущения грехов их, вразумления на жизнь праведную и достойную, на создание семей и познания радости отцовства, о поддержке и удаче в их труде, о непрестанной, братской заботе друг о друге, и чтобы не забывали нас, родителей, особенно когда мы будем нуждаться в их помощи. Матушка Матрона. Верю, услишишь покаяние моё и мольбы о благополучии самых дорогих мне людей. Благодарю за помощь и заступничество. Во имя Отца, и Сына, и Святого Духа. Аминь.

Страницы

Яндекс.Метрика